ബെംഗളൂരു: കോടതി ഉത്തരവ് ലംഘിച്ച് ഹിജാബ് ധരിച്ചെത്തിയ രണ്ട് വിദ്യാര്ഥിനികളെ പ്ലസ് ടു പരീക്ഷ എഴുതാന് സമ്മതിക്കാതെ അധികൃതര് മടക്കി അയച്ചു.
ഹിജാബ് സമരക്കാരും വിവാദത്തില് ആദ്യം പരാതി നല്കുകയും ചെയ്ത അലിയ ആസാദി, രെഷാം എന്നീ വിദ്യാര്ഥിനികളാണ് ഹിജാബ് ധരിച്ച് പരീക്ഷ എഴുതാനെത്തിയത്. പക്ഷേ, കോടതി ഉത്തരവ് ചൂണ്ടിക്കാട്ടി ഇരുവരെയും അധികൃതര് മടക്കി അയക്കുകയായിരുന്നു. ഉഡുപ്പിയിലെ വിദ്യോദയ പി.യു കോളേജിലാണ് സംഭവം.
ഹാള്ടിക്കറ്റ് ശേഖരിച്ച് പരീക്ഷാ ഹാളിലേക്ക് കയറാന് ശ്രമിക്കുന്നതിനിടെയാണ് ഇവരെ തടഞ്ഞത്. മുക്കാല് മണിക്കൂറോളം വിദ്യാര്ഥിനികള് സ്കൂള് അധികൃതരെ കാര്യങ്ങള് ധരിപ്പിക്കാന് ശ്രമിച്ചുവെങ്കിലും കോടതി ഉത്തരവുകള് ചൂണ്ടിക്കാട്ടി പരീക്ഷ എഴുതാന് സമ്മതിക്കാനാവില്ലെന്ന് അധികൃതര് അറിയിക്കുകയായിരുന്നു. തുടര്ന്ന് ഇവര് പരീക്ഷ ബഹിഷ്കരിച്ച് തിരികെപോയി.
പന്ത്രണ്ടാം ക്ലാസ് വിദ്യാര്ഥികളുടെ രണ്ടാംഘട്ട ബോര്ഡ് പരീക്ഷ ഇന്നലെയാണ് കര്ണാടകയില് തുടക്കമായത്. സംസ്ഥാന സര്ക്കാരിന്റെ ഹിജാബ് നിരോധനം ശരിവെച്ച് കൊണ്ടുള്ള ഹൈക്കോടതി ഉത്തരവ് നിലനില്ക്കുന്നുണ്ടെങ്കിലും ഹിജാബ് ധരിച്ച് കൊണ്ട് തന്നെ പരീക്ഷ എഴുതാന് അനുവദിക്കണമെന്ന് ആലിയ ആസാദി കഴിഞ്ഞയാഴ്ചയും മുഖ്യമന്ത്രിക്ക് അപേക്ഷ നല്കിയിരുന്നു. എന്നാല്, അനുവാദം നല്കിയിരുന്നില്ല. തുടര്ന്നാണ് ഹിജാബ് ധരിച്ച് കൊണ്ട് തന്നെ ഇവര് പ്രതിഷേധമെന്ന രീതിയില് പരീക്ഷയ്ക്കെത്തിയത്. സംസ്ഥാന സര്ക്കാരിന്റെ ഹിജാബ് നിരോധനത്തിനെതിരായ 15 പരാതികളാണ് കര്ണാടക ഹൈക്കോടതി തള്ളിയത്. ഇസ്ലാമിനെ സംബന്ധിച്ചിടത്തോളം ഹിജാബ് ധരിക്കുകയെന്നത് അവിഭാജ്യ ഘടകമല്ലെന്നായിരുന്നു ഹൈക്കോടതിയുടെ ഉത്തരവിൽ പറഞ്ഞത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
